Miðnæturhlaupið

Miðnæturhlaupið fer fram n.k. mánudag. 

Tímataka í 5 og 10 km hlaupi og 3 km skemmtiskokk. 

Kveðja, Gunnar Páll

ÍR-skokk síða

Henti saman þessari bloggsíðu utanum myndirnar sem ég tók á Fimmvörðuhálsi. Hér er öllum heimilt að setja inn bloggfærslur og myndir. Munið bara að setja nafnið ykkar undir bloggfærsluna svo við vitum hver skrifar. Það má líka skrifa athugasemdir fyrir þá sem það vilja. Til að skrifa athugasemdir þarf ekki að fara í stjórnborðið, bara að smella á athugasemdatengilinn neðan við færslu (eða mynd í myndaalbúmi).

Setti að gamni inn nokkra tengla á hlaupasíður í vinstri dálki. Í þennan lista má bæta við fleiri tenglum. Hægra meginn er svo niðurteljari fyrir Laugaveginn. Spennan magnast!

Sendi í pósti út notandanafn og lykilorð til að allir komist í stjórnborðið.

Kiddi 

Fimmvörðuháls 2008

Það var létt yfir fólki föstudaginn 13. júní á Skógum þaðan sem ÍR-skokkarar héldu í rútu í Þórsmörk. Takmarkið var að hlaupa yfir Fimmvörðuháls. Veðurspá var búin að vera góð alla vikuna, en þegar komið var undir Eyjafjöllin þykknaði upp og á Skógum var úðarigning og þoka í fjöllum. Heldur var bjartara í Mörkinni og var lagt af stað í fínu veðri þó sólin léti lítið sjá sig. Létt var yfir mannskapnum þegar lagt var af stað (en ekki hvað?) og gekk hlaupið vel með reglulegum hvatningarópum eins og "Áfram ÍR", "Koma svo" og "Þið getið þetta".  Þoka brast á þegar komið var upp fyrir Bröttufönn og létti ekki fyrr en komið var nokkuð niður fyrir skála. Einhverjir villtust í þokunni, en allir komust þó til byggða. Súpa og brauð - og bjór -  beið okkar á Skógum. Súpan mun hafa klárast, en eitthvað orðið eftir af bjór á hótelinu.

Myndir frá Fimmvörðuhálsi eru í myndaalbúmi sem nálgast má með því að smella á smámyndina efst í hægri dálki. 

Kiddi