Fimmvörðuháls 2008

Það var létt yfir fólki föstudaginn 13. júní á Skógum þaðan sem ÍR-skokkarar héldu í rútu í Þórsmörk. Takmarkið var að hlaupa yfir Fimmvörðuháls. Veðurspá var búin að vera góð alla vikuna, en þegar komið var undir Eyjafjöllin þykknaði upp og á Skógum var úðarigning og þoka í fjöllum. Heldur var bjartara í Mörkinni og var lagt af stað í fínu veðri þó sólin léti lítið sjá sig. Létt var yfir mannskapnum þegar lagt var af stað (en ekki hvað?) og gekk hlaupið vel með reglulegum hvatningarópum eins og "Áfram ÍR", "Koma svo" og "Þið getið þetta".  Þoka brast á þegar komið var upp fyrir Bröttufönn og létti ekki fyrr en komið var nokkuð niður fyrir skála. Einhverjir villtust í þokunni, en allir komust þó til byggða. Súpa og brauð - og bjór -  beið okkar á Skógum. Súpan mun hafa klárast, en eitthvað orðið eftir af bjór á hótelinu.

Myndir frá Fimmvörðuhálsi eru í myndaalbúmi sem nálgast má með því að smella á smámyndina efst í hægri dálki. 

Kiddi 

Athugasemdir

[Guðbjörg (IP-tala skráð) 20.6.2008 kl. 08:11]

Frábært hjá þér Kiddi !!!!

[María Dögg (IP-tala skráð) 20.6.2008 kl. 10:09]

Takk kærlega fyrir þetta frábæra framtak Kiddi, þú ert flottastur!!:)

[ÍR-skokkarar, 20.6.2008 kl. 10:11]

Takk kærlega fyrir frábært framtak Kiddi!! Þú er flottastur!!;)